法甲扭波王拒续约 巴塞隆拿平价抢人

xcy232323

西甲劲旅巴塞隆拿火力强大，不过劲人永远唔嫌多，据报佢哋准备喺夏天收购里尔翼锋萨高华，呢位「科索沃美斯」早前拒绝里尔新合约，今个夏天将被兜售，巴塞有望平价抢人。
据西班牙《每日体育报》报道，巴塞总监迪高一向系萨高华「粉丝」，呢位右翼盘扭技术高超，今季虽然受到连番伤患影响，但9场欧联亦有4个入波。
26岁嘅萨高华同里尔合约去到2026年夏天，但佢最近拒绝球会续约，里尔为免明年人财两失，将被逼喺今夏放人，预计谈判「起标价」只需3,000万欧元。
报道指意甲劲旅拿玻里亦想抢人，希望以佢代替冬季离队嘅基华拉斯基利亚，不过萨高华个人就更想去巴塞大展身手。