阿朗素带兵过皇马 利华中坚自己官宣离队

xcy232323

沙比阿朗素今夏过档执教皇马，已经传到通晒天，利华古逊中坚庄拿芬泰希更自己官宣，今夏将会离队，虽然佢冇讲明下一站去边，但不难估计系跟随主帅沙比阿朗素一齐过档皇马。
29岁德国国脚中坚庄拿芬泰希，效力利华古逊长达10年，佢近日突然表示，已经通知利华古逊高层，今个夏天约满後离队，佢话：「系呀，我会离开利华古逊，我已经通知咗球会。」
讲到下一站去边，泰希就话抱开放态度：「暂时未定，但由我决定唔续约嗰阵开始，一切都好明确，呢个决定唔会改变。」
自由身嘅泰希有好多选择，跟随沙比阿朗素去皇马系其中之一，另外巴塞、利物浦、热刺都对佢感兴趣，可谓大把出路。