联赛欧联输晒 克罗地亚班霸怒炒简拿华路

xcy232323

去年底来港踢皇马巴塞传奇表演赛嘅简拿华路，离港唔够半个月就出任克罗地亚班霸萨格勒布戴拿模主教练，但呢位意大利传奇教咗4个月，日前就被球队解雇，原因系欧联出局，联赛失冠。
51岁嘅「大简」接手後只带过2场欧联，战绩1胜1负，包括联赛阶段煞科战2比1赢AC米兰，已经尽晒力，可惜因为同分得失球差排25位被淘汰，但系返到联赛就冇得抵赖，成绩真系曳，10场联赛只得5胜2和3负，联赛排第3，未能连续8年赢联赛冠军。
联赛跌落第3嘅萨格勒布戴拿模，同时失去来季欧联资格，连欧霸盃都冇得踢，只能参加第3级嘅欧协联，至少失去4,000万欧元收入(约3.52亿港元)，可谓损失惨重，搞成咁惟有炒教练。