拉舒福特打回原形？坚尼怒批「垃圾」

xcy232323

曼联喺鲁宾艾摩廉上任後，多位球员都有「翻生」演出，其中拉舒福特喺头3场比赛入3球，令球迷相信佢可以重振雄风，不过作客0比2输畀阿仙奴一仗，「福仔」後备上阵全无表现，而且仲间接累球队输第2球，名宿坚尼都忍唔住闹佢「垃圾」！
拉舒福特上场对爱华顿梅开二度，但今仗意外被贬後备，去到59分钟先至获派上阵，可惜佢入场後逼抢、进攻通通欠奉，踢咗超过半个钟头只有22次掂波，冇任何射门同关键传送。坚尼嘅网上直播节目入面表示：「曼联啲後备入嚟之後做过乜？拉舒福特作为一个球员，整体表现系(差到)令人震惊。」
拉舒福特玩波输角球片段：https://twitter.com/i/status/1864428243610210763　
更加抵闹嘅系，拉舒福特喺72分钟返後场防守，喺角球企附近大玩高章波，想挑起个波解围，点知跣脚撞个波出底线，结果阿仙奴就用角球入到2比0。坚尼当时嬲到爆粗：「简直系垃圾！佢将个波直接踢出界......真系垃X圾！」