古古列拿被扯头发造红牌 车仔大炒修咸顿

xcy232323

周四(5日)凌晨英超，车路士作客5比1大炒修咸顿，依家只系落後「1哥」利物浦7分，再次展示争标实力。「爆炸头」古古列拿今场被对手扯头发制造红牌，成为另类赢波功臣。
车路士今场作出大幅轮换，不过战力丝毫未减，7分钟就由阿素迪沙斯接应角球顶入，虽然4分钟後就被修咸顿追平，不过尼干古同马度基接连入波，为车路士建立3比1嘅优势。
修咸顿本来表现唔差，但39分钟积克史堤芬斯「衰多手」扯古古列拿长发，被球证出示红牌赶出场。踢多个嘅车仔下半场再由高尔彭马同查顿辛祖入波，凑成5比1大胜。
车路士领队马利斯卡赛後表示：「今场感觉好正，球迷见到车路士已经返嚟，呢一点系最重要，见到球迷开心系我哋嘅目标，每日努力练习就系为咗令球迷开心。」