C朗复出都冇用 艾纳斯开季2连败

xcy232323

       


        周六(19日)凌晨沙特阿拉伯联赛，艾纳斯虽然有巨星C朗伤愈复出，但佢脚头无灵，加上另一位星级射手沙迪奥文尼入波「食诈胡」，最终主场0比2不敌艾塔亚文，联赛开季2战2败。
        C朗喺早前阿拉伯冠军盃决赛伤出，缺阵首轮联赛对伊蒂法克，结果艾纳斯作客输1比2，今仗返回主场出击，C朗复出并踢足全场，但多次起脚都无功而还，反而被对手喺上半场20分钟入波打开纪录。
        临完上半场出现争议性一幕，艾纳斯中场施高科芬拿喺禁区内疑似被对手踢跌，球证先系吹罚12码，但睇VAR之後，又取消判决，令C朗非常不满。
        艾纳斯下半场都有唔少机会扳平，包括比赛末段，C朗曾经射门中柱，但其实佢当时已经越位，最惨都系沙迪奥文尼补时入波，被判无效，转个头艾纳斯就失第2球，输0比2。