失宠屈坚斯化怒火为力量 维拉4比1炒纽卡素

xcy232323

英超前5名(欧联资格)争逐超级激烈，普遍认为纽卡素、曼城、诺定咸森林、车路士同阿士东维拉5强将争夺3个席位，原本形势最差嘅阿士东维拉，周日(20日)凌晨主场4比1大炒纽卡素，暂时压倒踢少1场嘅车路士升上第6位，但同第3嘅纽卡素只差2分，形势非常激烈。
维拉啱啱喺欧联赢波出局，今场前5争逐关键战气势未减，开波唔够1分钟就由奥尼屈坚斯打开纪录，呢位前锋之後劲射中楣，转头纽卡素就凭法比安舒哈近门头槌追平。维拉仍占上风，下半场再靠伊恩马特臣、丹般恩嘅乌龙波以及阿马度奥拿拿埋斋，顺利大胜4比1完场。
近期被贬後备嘅屈坚斯，今场有2场攻门被门框所阻，仍有1入波同1助攻，佢赛後表明对突然失宠感到愤怒，屈坚斯表示：「欧联对巴黎圣日耳门两回合，我只系踢20分钟，我唔想讲大话，对於冇得踢我觉得好嬲。冇得参加最大嘅舞台令人失望，维拉有今日，我有好大功劳，我唔想被愤怒影响，我会将佢转化为力量。」