劳基梳尔又伤 心痛发声明：非常沮丧！

xcy232323

曼联喺鲁宾艾摩廉上任後成绩好转，伤兵亦都陆续康复，正当以为一切向好之际，伤愈复出冇耐嘅劳基梳尔又再受伤，据报要休战几个星期。呢位英格兰国脚心痛发出声明，表示对自己一伤再伤「非常沮丧」。
劳基梳尔喺声明入面表示：「写下呢番说话令我非常痛苦，我原本以为已经成功克服最近嘅困难，好不幸伤患又出现一啲问题。我经历过好多起跌，但呢段日子肯定系最艰苦，我非常沮丧，亦好难接受呢个现实。我明白好多球迷会沮丧、愤怒同失望，但冇人会比我感受得更深。我保证会尽最大努力早日返嚟，帮助曼联实现目标。」
29岁嘅劳基梳尔之前因小腿受伤抖咗4个月，复出後近3场赛事都有後备入替，但今次旧患复发，据报需要再休战「几个星期」。劳基梳尔喺上季尾已开始养伤，但夏天仍决意代表英格兰出战欧国盃决赛周，结果令伤患加重，因此受到唔少曼联球迷批评。