红军爱买「红牛人」 但暗藏伏味

xcy232323

       

        利物浦近年对於「红牛」RB莱比锡嘅球员情有独锺，之前已经试过收购呢支德甲球队嘅2位主将拿比基达、伊巴希马干拿，但2人演出不及预期，令人担心今次买入苏保斯拉尔，可能会中伏。
        利物浦5年前触发「买断条款」，以4,800万镑(约4.8亿港元)向RB莱比锡买断中场拿比基达，呢位畿内亚国脚更加获得昔日「神奇队长」谢拉特留下嘅8号球衣，但佢并未能稳坐正选，近2季更加被投闲置散，今夏已经约满自由身离队。
        另外，利物浦2021年夏天又利用「买断条款」，以3,600万镑(约3.6亿港元)签入RB莱比锡中坚伊巴希马干拿迪，但呢位24岁法国国脚经常受伤，踢2季英超合共仅上阵29场。因此，苏保斯拉尔加盟红军之後，能否踢出喺德甲嘅水准，亦或成为「辛祖2.0」，仲有待观察。