拜仁趁火打劫 平价斟辛祖

xcy232323

       


        曼联主帅坦哈格同翼锋查顿辛祖之间嘅争执未能平息，随即传出辛祖被出售消息，有指辛祖被卖去沙特，但有更确切信息指，拜仁慕尼黑有意平价收购，实行趁火打劫，明年初冬季转会窗将辛祖带返德甲。
        西班牙《Fichajes》报道，拜仁打算以不多於4,300万镑(约4.2亿港元)接收辛祖，比起2021年曼联由多蒙特买入嘅转会费7,300万镑，差价超过3,000万镑，如果成事，曼联喺辛祖交易上将会损失惨重。
        其实拜仁今夏曾经探盘辛祖，但被对方35万镑周薪吓退，不过依家时机唔同，辛祖同坦哈格对抗，肯定冇运行，佢之前喺多蒙特极之成功，拜仁将会系佢足球事业上嘅一大转机，如果佢明年初转投拜仁，肯定要减薪，拜仁就系睇中呢点，打算执平货。