夏兰特自信可同美斯争「金球奖」

xcy232323

       


        「金球奖」早前公布30人候选名单，当中阿根廷「球王」美斯被公认为得奖大热门，不过曼城前锋艾宁夏兰特日前接受《法国足球》访问，就话自己已经系世界顶尖前锋行列，自信今年可以同美斯争逐金球奖奖座。
        美斯带领阿根廷赢得世盃冠军，金球奖被睇好十拿九稳，最大敌人好可能系为曼城做「3冠王」嘅夏兰特，呢位挪威球星被问到觉得觉得自己系世界最佳前锋，佢就话：「呢个问题有啲巧妙，好视乎你讲边类型前锋，但我已经系最佳嘅行列之中，系咪最好嗰个？可能呱。」
        艾宁夏兰特被问到对今年拎金球奖嘅信心，佢亦老实回应：「我仲好後生，仲有好多地方可以进步，但我相信我今年都有机会得奖。」今年嘅金球奖颁奖礼会喺10月30日举行，上届得主为法国前锋宾施马。