拯救海伦计划 艾摩廉：畀佢踢到入波！

xcy232323

曼联喺英超主场0比1不敌狼队，录得今季第15场联赛败仗，系曼联自89/90球季後首次单季输15场联赛，其中丹麦前锋海伦继续做「败家仔」，近28场赛事只系入过1球。曼联领队鲁宾艾摩廉赛後表示，拯救海伦唯一方法，就系继续畀佢踢，踢到入波为止！
由於约舒亚舒克斯受伤提早收咧，曼联只系得番海伦一个一队箭头，但呢位丹麦国脚失机频频，鲁宾艾摩廉表示：「其实唔止海伦，几个球员都有错失机会，我之前讲过呢个系团队问题，并唔系只得海伦一个人失机。」
早前奥拿拿表现失准，被鲁宾艾摩廉收起「冷静下」，不过佢就表明唔会收起海伦：「要帮海伦嘅唯一方法，就系同佢练习、睇片，正如你哋所讲，海伦需要嘅系一个入球，如果收起佢又点入波？海伦需要入波，所有前锋都需要入波。」